صعبه اعيش ايام عمري بلياك
ـــــــــــ وانت الحياة بدون شوفك كآبه
تعال خذني لاخر حدود دنياك
ـــــــــــ مليت اقاسي من زماني عذابه !!
حاولت لكن ما تحملت فرقاك
ــــــــــ بـُـعدك عذاب وفي حضورك مهابه !!
للشوق فيني شي لا ماعتقد جاك
ـــــــــــ حوّل حياتي للملل والرتابه
أوقات اشوف ان الغلا ما تعداك
ــــــــــ واحيان احس ان الهوى للغلابه !!
بين المحال وبين خافي نواياك
ـــــــــــ حار السؤال ولا لقيت الاجابة !!
كانك تقول هموم وقتك تقفاك
ـــــــــــ وش حيلة اللي صار همه زهابه
يطرد سرابك في متاهات رجواك
ـــــــــــ نفس الطريق اللي مشيته مشابه
قلب ٍ يحبك كيف يسلا وينساك
ــــــــــ ماللفضاء لو شفت دونك رحابه
خليتني عايش على حد الادراك
ـــــــــــ مثل الجريح اللي تمادى صوابه
ماحد ٍ ملأ عيني من الناس لولاك
ـــــــــــ في غيبتك كل الاوادم تشابه
هذا الشعور اللي من اقصاي ينخاك
ــــــــــــ يبي القليل وما عطيته رضابه
كل القصايد داخلي همها ارضاك
ـــــــــــ حبك مدادي لا بغيت الكتابه
أجيك كلي يوم كلي فداياك
ـــــــــــ كلش يهون الا الحبيب وغيابه
رد الوفاء والحب للي تمناك
ـــــــــــ قفـّـى العمر واحلى ليالي شبابه
جاتك مشاعر مالها غير شرواك
ــــــــــــ دامك ملكت الروح وين الغرابه .. !!
مماا راق لمتصفحي ...
[ندعوك للتسجيل في المنتدى أو التعريف بنفسك لمعاينة هذه الصورة]
